Kev ua tshoob ntawm Hmoob

 Kev us tshoob
   Xaiv hnub nyoog yuav poj niam
Raws li poj ua cia yawm ua tseg, Hmoob ib txwm saib hnub nyoog yuav poj niam. 
Tej laus ib txwm kom tej tub tej ntxhais sib yuav thaum lub hli siab xwb. Hli siab 
yog thaum lub hli pib loj zuj zus mus. Vim hais tias, yuav thaum lub hli siab ces lub 
neej yuav vam loj zoo li lub hli mus. Tsis pub yuav thaum lub hli nqig, vim yuav thaum 
ntawv ces lub neej twb tag zoo li lub ploj zuj zus lawm.

Lwm Qaib
   Lwm qaib mas yog thaum tus tub mus coj tau tus nyab los txog xab nraum zoov lawm 
es tus tub niam thiab txiv npaj ib tus qaib los lwm tos txais tus nyab los ua lawv neeg. 
Lwm li no kom txhob phiv dab qhuas, txhob phiv dab vaj dab tsev, thiab kom tib neejg zej zos txhob hais tau.
Thaum lwm qaib yuav tau hais li no. "kuv lwm no tsis yog lwm plig nyiaj plig kub, plig txiaj 
plig txhuv ,plig qoob plig loo, lwm no mas lwm, vij sub vij sw,vij dab vij nqog, lwm khawv
txiv lwm khawv kum, lwm hmab tsis dawm tes hlua tsis dawm taw, lwm kov poob mus rau 
dej tshoob, poob mus rau hluav taws kub, lom tsis hnov muag tsis pom, lwm no mas lwm 
nws los nyob ib txhiab tsis muaj mob, ib puas tsis muaj nkeeg, tu tub tu kiv puv vaj puv tsev,
khwv nyiaj khwv txiaj kom puv nas, ua qoob ua loo kom puv txhab, hos nyob ua txwj ua laus 
ib nqag kom nto ntuj , ib nploog kom hto ntsig". Lwm tas muab tus qaib tso mus.

Tshaj xo.
   Tshaj xo los yog thoob xo mas yog niam txiv tog vauv thov ob tus neeg mus hais qhia rau tus 
ntxhais tiags kom lawv tsis txhob nrhiav thiab tsis txhob poob siab. Lawv yus ntxhais los yuav
tus tub hu li no, niam txiv npe hu li no.los nyob muaj chaw lawm tiag, Tshaj xo yuav tau npaj 
me ntsis nyiaj thiab luam yeeb coj mus rau niam rau txiv li poj ua cia yawm ua tseg.

Puv 3 tag kis
   Thaum tus nyab txhiab los nyob puv 3 tag kis lawm, niam txiv yuav muab tus nyab thiab tus 
tub los hu plig tis nkawv ua niam txiv.

Mej koob
   mej koob mas muaj ob tug.Tug thawj hu ua txiv tuam mej koob. tug yau hu ua txiv lwm mej koob. 
ob tug no pau hmoob li kab tshoob kev kos zoo. niam txiv thov nkawv tuaj ua mej koob yog tuaj pab
cev lus mus rau tos tom ub. mus pab hais kom tau nkauj nyab, tauneej tautsav. ob tus mej kooj no 
tus thov yuav tau muab me ntsi nyiaj tsiag ua nkawv dej siab dej ntsws raws li hmoob ib txwm ua los. 
qhov nyiaj no pab raws li lub teb chaws ntawm nej nyob xwb. ob tus mej koob li hauj lwm tsis yog lav 
thiab yuav tau nkauj nyab, tiam sis ua niam txiv tog vauv tus tub mus pab cev lus.

phij laj 
   Phij laj yog ib tus tub uas niam txiv thov mus pab tus vauv ua hauj lwm.tus phij laj txoj hauj lwm yog
mus pab tus vauv ua txhua yam. xws li pab tus vauv tua npua, tsuav nqaij, haus cawv, thiab lwm yam uas nws pab tau.

Niam tais ntsaub
   Niam tais ntsuab yog ib tus ntxhais niam txiv thov mus nrog tus nyab nyob ua ke, lub sib hawm lawv 
mus hais tshoob. niam tais ntsuab txoj hauj lwm yog mus zov tus nyab tsam nws mus tham hluas
nraug los siv khiav lawm. niam tais ntsuab yuav tau nrog tus nkauj nyab mus txhua txhia qhov chaw 
uas tus nyab mus. txawm tias tus nyab mus siv chav dej los tus niam tais ntsuab yuav tau nyob ntawm 
qhov rooj tos. yog tias niam tais ntsuab pom tej dab tsis txawv txav, nws txoj hauj lwm yog los qhia rau
ob tus mej koob paub los sis qhia rau niam txiv paub thaum ntawv.

Kev pe
   Kev pe yog ib yam uas los qhia rau tog niam tais yawm txiv tias vauv yeej hwm niam tais yawm txiv 
thiab xav tuaj xeeb neej xeeb tsav tiag, thaum pe yuav tau khoov muab ob lub hauv caug tso rau 
hauv pem teb nrog ob txhais tes, tas ces mam sawv los. kev pe tshoob yog ob tus mej koob ua tus 
coj thiab hais tias thaum tws mam pe. mej koob nyiam sis los lus laij nyug,
txhais tau tias pe ib yam.

Zaj tshoob
   Zaj tshoob yog ib co lus los sis ib co zaj uas ob tus mej koob yuav tau hai thaum mus hais tshoob. 
piv xav li tias, thau mus txog niam tais yawm txiv lub tsev los mej koob yeej yuav tau hais zaj tshoob
thov nkag mus hauv tsev. zaj tshoob muaj hais ntau yam heev, nyob ntawm saib niam tais yawm txiv 
puas ncaj los khaus xwb. nws zoo ib yam li kwv txhiaj hais rau hluas nkauj hluas nraug hos zaj tshoob 
hais rau hauv kev tshoob xwb.

Cov khoom uas nraug vauv yuav tau npaj mus ua tshoob
   -Nyiaj tsiag mus them nqe tshoob(nqe mis nqe hno)thiab tau siv
   -Ib lub kaus dub
   -Ib txoj siv ceeb
   -Luam yeeb(npaj kom txaus siv)
   -Dej cawv (npaj kom txaus siv)
   -Ib tus qaub nqww poj, thiab ib tus qaib qhia tsiaj.,qaib saib koob hmoov, tis tshoob kos
   -Ib qho roj
   -Ob rab diav
   -Ib qho ntsev
   -Ib rab riam
   -Ib lub kawm ev cov khoom
   -Ib daim pam

Tej yam hmoob caiv thau ua tshoob
   1.Noj tsis tau kua txob
   2.Tus nyab ntsia tsis tau rov qab, thaum hais tshoob tas es tus nyab sawv kev nrog tus vauv los tsev.
   3.tus nyab khaws tsis tau cov duab thiab tej khoom uas qub hluas nraug muab.
   4.tsis pub muab tej nyiaj phij cuam siv dog siv dig siv ua si.

Kev haus cawv (niam tais yawm txiv tog)
   1.tus cawv tos qhua(cawv haus tog qhua vauv)
   2.tus cawv mov dej txiag(tus cawv rooj mov rau nraug vauv noj) 
   3.tus cawv cheem qhua(yog tus cawv cheem kom nraug vauv pw)
   4.Tus cawv tsa mej zeej.

Kwv haus cawv (nraug vauv tog)
   1.Tus cawv luam xim (cawv tshoob)
   2.Tus cawv piav tham 

Cawv muaj caij hau tau ntau tshaj cov sau los saum no thiab
.Crd...ม้งรักม้ง...

KEEB KWM HMOOB

     Keeb kwm hmoob Yav puag thaum ub/ Ua ntej suav teb

         yog koj mus nyeem rau cov phau ntawv hais tsog hmoob lub neej thaum ntuj tsim teb raug (Origin of the hmong) tej thaum koj yuav to taub zoo tsog hmoob,tsis tas li ntawv, yog koj yog ib tug uas paub kev cai hmoob, xws li kab tshoob ke kos , zaj qeej qhuab ke rau ib tus tuag, hais kwv txhiaj thiab lwm yam koj twb yeej paub zoo tias hmoob los qhov twg los lawm. Vim nyob rau hauv hmoob tej txuj ci yeej muaj hais nyob ntau heev txog qhov hmoob tshwm sim los.
Cov tub txawj ntsetshawb nrhiav sau tseg tau tias tib neeg xub' tshim sim timMiddle East los.Tom qab "The Ice Age" ze li 5000 xyoo ua ntej Yesxus yug, tib neeg mam khiav tawm tiv mus thoob ntiaj teb. Vim yog lub sib hawm no, neeg coob zuj zus thiab kev tsis sib haum xeeb loj ntau zuj zus tuaj. tsis tas li ntawv , lawv tua tsiaj noj thiab de nplooj xyoob nplooj ntoos noj xwb .tej no lo kuj tas zij zus lawm thiab.Yog li ntawv thiaj tau tawm mus rau tej uas muaj khoom noj.
Keith Quincy phau ntawv "History of a people" sau txog tias hhmoob tshwm sim tim Middle East los. Raws li nws sau tseg, Svina uas yog tus neeg fab kis tau tshawb nrhiav txog hmoob thiab nws hais li nram no. Savina ntseeg tau hais tias Hmoob tsis yog tshwm pes suav teb los. tias sis tshwm sim tim Middle east los, Vim yog muaj ntau yam taw tias hmoob los tim los, Svina tias hmoob  yuav tsum tshwm sim tim Middle east los vim hmoob cov poj suab yawg saub muaj plaub hau daj, qhov muag xiav, thiab daim tawv (skin) zoo li cov neeg nyob tiv. Keeb kwm suav kuj sau tseg tias thaum ub hmoob tej pog suab yawg saub, pog koob yawg koob, yeej muaj plaub hau daj thiab daim tawv dawb tiag. Niaj hnub  nim no, peb hmoob tseem muaj cov plaub daj, tawv dawb, thiab qhov mua xiav thiab.Ib qho uas tsis tshuav cov hmoob zoo li nontau lawm mas yog thaum hmoob los txog av loj( sua teb ) es suav thiab hmoob sib tua. Hmoob xwb rog ces suav muab cov hmoob no tua tuas tas lawm. Suav tseem loj xov nrhiav txhua tus me nyuam tub hmoob tua tsuav noob qaus luaj taum pauv xwb.
           Ib qho ntxiv uas Svina ntseeg tias Hmoob los tim Middle east los mas yog Hmoob cov dab neeg. Hmoo muaj zaj dab neeg dej nyab ntiaj teb ib yam li cov neeg tim thiab (Noah of art). tsis tas li ntawv, Hmoob zaj qhuab ke thaum ib tus neeg tuag yeej piav txog lub teb chaws no',muaj daus muaj te, thiab nyob ntuj teb kev dav mam mus txog.
           Svina tseem pom tias Hmoob tej me nyuam ua si xws li tsiv nraim, tua mov npis, ntaus toj lub, thiab noj mov xiv diav li cov me nyuam tim thiab. Nws hais ntxiv tias, Suav cov me nyuam tsis xiv diav noj mov lawv xiv rawg xwb thiab lawv ua si txawv Hmoob cov.
            Cov tub txawj ntse nrhiav tib neeg ntiaj teb txuj ci pom tau tias hmoob cov paj ntaub (The shape) zoo li cov nyob tim Middle east thiab.Lawv hias tias cov (shape, rectangle, dimond, etc ) no yeej xub tawm tim los tiag.
            Yog vim hmoob muaj ntau yam zoo li cov neeg tiv, Svina thiaj ntsees tias hmoob lub hauv paus (Origin) yuav tsum tshwm sim tiv los xwb. Qhov tseem ceeb tshaj uas nws tias Hmoob tsis yog tshwm sim pes suav teb los mas yogvim  Hmoob coj kev ua neeb ua yaig. Tub txawj ntse yeej paub meej' tias kev ua neeb ua yaig tshwm sim pes seberia los.Yog li no, savina ntseeg tias Hmoob yog ib pab neeg ntawm cov uas nyob tim middle east es tshim tawm mus rau Sebilia tom qab ze 5000 BC. thaum los nyob pev ntev, Hmoob mam tsiv nqes los Suav teb vim kev raws tsiaj tua thiab kev nrhiav teb chaws sov nyob.      
  Keeb kwm hmoob nyob suav teb (Txiv yawg)
              Raws li phau ntawv Haiv Hmoob liv xwm sau los ntawm vwj zoov tsheej hmoob pib muaj keebkwm nrog suav ze rau xyoo 3,000 Bc. Vwj zoov tsheej yog ib tus hmoob, nws ua xib hwb qhia ntawv , thiab nws yog tug paub txog Hmoob kwwb kwm zoo tshaj li lwm tus hmoob raws li Ywj pheej xyooj hmoob ABC,MN hais. Keith Quincy (History of a pheeple) los kuj sau hais tias hmoob los txog suav teb ze rau xyoo 3,000 BCno thiab.
               Hmoob los txog suav teb ze rau xyoo 3,000 BC ua ntej Yes xus yug los. Hmoob los mus ua neej, muaj zej muaj zos nyob ntawm tus dej daj(Yellow river) ze rau ntawm ib lub pas ntsev. hmoob los mus tsim muaj lub teb chaws hu ua Cuaj lig ntuj. 9 lig ntuj yog peb pab neeg los sib koom ua ke. lub tswv yim no los yog los sib kom neeg coob, koom tswv yim, koom kev tse kom muaj kev vam meej loj mus.
              Hmoob thawj tus huab tais hu ua Txiv yawg (Chi you) Raws li Vwj zoov tsheejtshawb nrhiav, Suav tej keeb kwm sau tseg tias Txiv yawg yog ib tus neeg muaj hwj huaj peev xwm zoo. Nws txawj ntsuam hnub qub, ntsuas huab cua, txawj hu huab cua kom los nag, txawj tsim cuab yeej sib tua, txawj nchuav tooj nchuav hlau los txua ntaj, hmuv thiab txawj txua neev. tsis tas li ntawv, nws tseem txawj tsim kev teev hawm, xws li kev hawm poj koob yawg koob thiab kev ua neeb ua yaig. Ntxiv mus Hmoob tseem txawj ua liaj ua teb, ua qoob ua loo noj. Vwj zoov tsheej ntseeg tau tias Hmoob yog thawj pab neeg uas txawj thiab tau cog qoob loo nyob rau hauv Suav daim av.
              Lub caij Cuaj lig ntuj no kuj muaj Suav nyob ze rau Hmoob thiab. Yeem Tim thiab Faj Tim yog Suav ob tus thawj coj. Yeeb Tim thiab Faj Tim lawv koom siab tuaj tua Txiv yawg lawv vim Txiv yawg lawv vaj teb av zoo. Txiv yawg ntsuj rog no (The battle of Chi you) muaj tshwm ze rau xyoo 3,000 BC ua ntej Yexus yug los lawm. Txiv yawg nrog fab Tim lawv sib tua tau ntau cuam. Zaum tws los Txiv Yawg yeej xwb, tiam sis zaum uas Txiv Yawg swb mas yog vim Faj tim tau hu thov Nkauj Paig uas yog ib tus ntxhais qaum ntujlos sau cua sau nag thiab ua rau lub ntiaj teb qhuav tau ntau xyoo. Qhov no ua rau Txiv Yawg cov pej xeem cog tsis tau qoob loo thiab tau tshaib plab, tsis muaj noj mua haus. Vim li no thaum kawg Txiv Yawg thiaj tau swb rog rau Faj Tim lawm, thiab muab Txiv Yawg ntes coj mus tua rau hauv ntsuj rog theeb luj lub zos Tsuab luj ua zaum kawg lawm.
              Thaum Txiv Yawg tuag tas, kev sib ntxub ntawm hmoob thiab Suav thiaj li pib muaj haj yam loj zuj zus.